Sing Lumrah

Angudi lathi anggone ngracik ukara
ngalembana lan mbebungah ati,
anyingkiri tetembungan,
kang bisa milara ati.

Geneya, nalika padha ngendika
ora nganggo duga kira,
paugeran disasak,
mblarah tekan mrana-mrana.

Kamangka,
yen wong gawe luput,
kuwi rak ya lumrah,
ora gage-gage nibakke pangipat-ipat

"Dadiya banyu ora gelem nyawuk,
dadiya godhong ora bakal nyuwek."

Dudu kaya mengkono,
sing diarani paseduluran ya, ngger.




Samirono, 23 Februari 2020